Estamos traballando na mellora do catálogo do Arquivo. En breve estará operativo con todas as súas funcionalidades.
Acordanza: Ano Oteriano
50 anos do pasamento de Ramón Otero Pedrayo
Declarado o 2026 como o “Ano Ramón Otero Pedrayo” coincidindo co 50 aniversario do seu pasamento
(Ourense 05-03-1888 / 04-10-1976), o arquivo do Museo Provincial de Lugo rende unha pequena homenaxe a unha das figuras máis relevantes da cultura galega do século XX.
Investigador, pensador, poeta e novelista, foi membro das Irmandades da Fala, participou activamente na revista Nós e no Seminario de Estudos Galegos, defendendo sempre a cultura, identidade e lingua galega.
No arquivo do MPL custódiase a correspondencia de Manuel Vázquez Seijas, director da entidade durante décadas.
Entre 1957 e 1964 mantivo intercambio epistolar con Ramón Otero Pedrayo, relacionado coa conferencia que impartiu no museo o 30 de marzo de 1960.
A Xunta do MPL e a Deputación Provincial de Lugo convidárono para impartir unha conferencia titulada:
“Temas y aspectos de la emigración gallega en Argentina”
1959
Carta de R. Otero Pedrayo aceptando a invitación para dar unha charla no salón do MPL.
Sig. AMPL 15-5.3 D.72/2
1960
Carta de Manuel Vázquez Seijas a Ramón Otero Pedrayo onde se decide o tema da conferencia.
Sig. AMPL 15-5.3 D.72/5
Carta de R. Otero Pedrayo a Manuel Vázquez Seijas confirmando a data da conferencia.
Sig. AMPL 15-5.3 D.72/8
Invitación e recortes de prensa
|
|